di Peppino Restifo –<\/p>\n
\u2018Nta tuttu stu casinu ca fannu pu Ponti, ministri, \u2018ngigneri, jurnalisti, mi pari di cap\u00ecri ca cc\u2019\u00e8 na sula cosa seria: vonnu japriri dd\u00f9 canteri, unu \u2018e Cuntissi e unu a mmenzu \u2018i Ganziri e u Faru. Mu spiegau bbonu a Gazzetta.<\/p>\n
E i\u00f2 mi ccattu na motolapa. Mi dici \u2018na statistica ca \u2018nta ognuna di nostri casi ci sunnu sessantamila oggetti. Allura, prima di scassari i casi \u2018e Cuntissi e \u2018e Ganziri, m\u2019appresentu ca motolapa e jutu a ffari u traslocu. Ppi unni non si sapi, ma c\u2019\u00e8 u traslocu.<\/p>\n
Appoi s\u2019hann\u2019a tagghiari l\u2019albiri, l\u2019erba, ruvetti e macchi. E i\u00f2 ca motolapa cci portu all\u2019isola ecologica.<\/p>\n
Appoi cumincia u movimentu terra\u2026 e ddocu a cosa si fa cchi\u00f9 pagghiusa. Con rispetto e deferenza aviss\u2019a chiedere permesso a certi amici dill\u2019amici. Circai sull\u2019internet l\u2019indirizzo di Mafia SpA, ma non s\u2019attrova. C\u2019avissi a dumannari a Prifittura o a Dia du Tribunali: capaci c\u2019u sannu. Accuss\u00ec pozzu fari dumanna: ppi favuri non mi bruciati a motolapa! Ci ho \u2018nvestito i miei risparmi\u2026<\/p>\n
U vecchiu sinnicu mi dissi c\u2019a tera s\u2019hav\u2019a purtari a Venetico, Torregrotta e Valdina. Bbonu: putissi fari puru quattru viaggi o jornu ca m\u00e8 motolapa.<\/p>\n
E poi a duminica mi caricu a nonna supra a seggia \u2018nto cassuni assemi a figghi e niputi ca fannu vuci; a m\u00e8 mugghieri a ssettu \u2018nta cabina e si mi resta spaziu giru u manubriu. Nni jemu tutti a mari e poi a manciari i cozzi \u2018\u00e8 Ganziri, fin\u2019a quannu cci sunnu.<\/p>\n
Qualcuno potr\u00e0 dire: aspirazioni miserabili a fronte di 14 miliardi di progetto. Ma intantu fazzu cuntenta a Cisl\u2026<\/p>\n","protected":false},"excerpt":{"rendered":"