di Francesca Spadaro –<\/p>\n
Fimmina, curri e vidi,
\nsi nnunca nun ci cridi.
\nVeni, donna Cammela,
\nchi s\u00ee \u2018n\u2019anima in pena.
\nCchi\u00f9 non ti luci \u2018a fera
\nnt\u00e2 \u2018stu pizzu \u2018i cantunera.
\nFimmina svinturata,
\nfimmina cassariata,
\nfimmina, non schigghiari
\nchi i to figghi putrivi svigghiari.
\nDormunu occhi beddi,
\ndormunu i figghiceddi
\nnt\u00e2 paci \u2018i l\u2019anciuleddi.<\/p>\n
Cianci, fimmina,
\ne cridi chi \u2018a casa
\nsenza n\u2019omu
\nsenza nomi ristau.
\nFimmina \u2018mmassuttuluta,
\nfimmina firuta,
\nfimmina \u2018ddulurata,
\nfimmina, curri e vidi
\nchi \u2018ddi Giuda d\u00fb Guvernu
\n\u2018a vita a to maritu ci livaru.<\/p>\n
Dormi, addeu,
\nnt\u00e2 naca appressu \u00f4 lettu,
\ndormi, orfaneddu,
\nto patri nun turn\u00e0u.
\n\u2018Nzonna, nt\u00f4 rispiru d\u00fb pettu,
\nnuvuli \u2018ccarizzati d\u00fb ventu.
\n\u2018Nzonna, ca in menzu
\n\u00ea fini toi capiddi
\na bucculeddi cu\u2019n baciu
\nto patri ti salut\u00e0u.
\nEra to patri giuvini,
\nera to patri forti
\ne c\u00fb suduri d\u00e2 frunti,
\ne i mani ch\u00ee caddi
\nu pani ti putt\u00e0u.<\/p>\n
Pisanti era u travagghiu,
\npicca era u pani
\np\u00e2 fami \u2018i na famigghia
\nstuppari.
\nL\u2019opirai scioperaru,
\np\u00ee strati sfilaru,
\ni pugna p\u00e2 fami
\njauti isaru.<\/p>\n
Nt\u00e2 sacchetta du-n patri
\nun pisci \u2018i pani,
\np\u00e2 famigghia sfamari,
\nu pani ciaurusu \u2018i ranu,
\nu pani chi dugna a vita,
\na morti ci putt\u00e0u.
\n\u2018Ncoddu ci spararu
\na coppi \u2018i mannaja,
\n\u00e2 buci \u2018i \u201cViva i Savoja\u201d
\na faucie u marteddu
\n\u2018a pacc\u00eca d\u00fb Guvernu
\navanti \u00e2 Prefettura spacc\u00e0u.<\/p>\n
Chi maravigghia,
\nsignor Capitanu,
\n\u2018ccatt\u00e0risi \u2018a miragghia
\nc\u00e2 morti e ch\u00ee feriti
\n\u2018i tri travvagghiaturi disgraziati!
\nVardia, nun s\u00ee tu
\npuru un patri?
\nE pi bbuscariti u pani,
\ni poviri cristiani
\nnun ti ffrunti \u2018i \u2018mmazzari?<\/p>\n
\u2018I n\u2019autru maritu e patri,
\n\u2018i n\u2019autru figghiu e frati
\n\u2018a cascia cu\u2019n pisci \u2018i pani
\npi na famigghia sfamarii sfil\u00e0u.
\n\u2018I \u2018ddu jornu \u2018a so\u2019 famigghia
\ncchi\u00f9 nun manci\u00e0u,
\nca un maritu e un patri,
\nca un figghiu e un frati
\nnt\u00f4 lettu scuru
\nd\u00e2 terra si ricuggh\u00ecu.
\nUn ciuri \u2018i garofanu russu
\nch\u00ee lacrimi \u2018nnaffiatu,
\nnt\u00e2 fossa senza cchi\u00f9 ciatu,
\nsi sicc\u00e0u.<\/p>\n","protected":false},"excerpt":{"rendered":"